ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄ 2024-11-12 15:08:27
7 ᠰᠠᠷᠠ ᠢᠢᠨ 7 ᠤ ᠡᠳᠦᠷ᠂ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠬᠤᠨᠲᠤ ᠪᠠᠯᠭᠠᠰᠤ ᠢᠢᠨ ᠬᠥᠬᠡ ᠯᠤᠤ ᠵᠢᠯ ᠤᠨ ᠪᠣᠭᠳᠠ ᠠᠭᠤᠯᠠ ᠢᠢᠨ ᠬᠠᠪᠤᠲᠤ ᠬᠠᠰᠠᠷ ᠤᠨ ᠣᠪᠣᠭᠠᠨ ᠲᠠᠬᠢᠯᠭᠠ ᠪᠣᠯᠣᠨ ᠭᠤᠣᠯ ᠭᠠᠴᠠᠭᠠᠨ ᠤ ᠬᠤᠶᠠᠳᠤᠭᠠᠷ ᠤᠳᠠᠭᠠᠨ ᠤ ᠮᠠᠯᠴᠢᠳ ᠤᠨ ᠨᠠᠶᠢᠷ ᠵᠢᠴᠢ ᠭᠤᠣᠯ ᠭᠠᠴᠠᠭᠠᠨ ᠤ ᠣᠶᠢᠯᠠᠯᠭᠠ ᠲᠠᠷᠬᠠᠭᠠᠬᠤ ᠶᠤᠰᠤᠯᠠᠯ ᠬᠤᠨᠲᠤ ᠪᠠᠯᠭᠠᠰᠤ ᠢᠢᠨ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠳᠤ ᠨᠢᠵᠢᠬᠢᠷ ᠰᠠᠶᠢᠬᠠᠨ ᠶᠠᠪᠣᠭᠳᠠᠭᠰᠠᠨ ᠪᠠᠶᠢᠨᠠ᠃ ᠨᠠᠶᠢᠷ ᠲᠤ 256 ᠬᠦᠴᠦᠲᠦ ᠪᠦᠬᠡ ᠪᠠᠷᠢᠯᠳᠣᠭᠤᠯᠵᠤ᠂ ᠬᠦᠯᠦᠨ ᠪᠤᠶᠢᠷ ᠬᠤᠲᠠ᠂ ᠰᠢᠯᠢ ᠢᠢᠨ ᠭᠤᠣᠯ ᠠᠶᠢᠮᠠᠭ᠂ ᠲᠥᠩᠯᠢᠶᠣᠣ ᠬᠤᠲᠠ ᠵᠢᠴᠢ ᠵᠡᠷᠭᠡᠯᠡᠳᠡᠭᠡ ᠬᠤᠰᠢᠭᠤ ᠨᠣᠲᠤᠭ ᠤᠨ ᠪᠦᠬᠡᠴᠤᠳ ᠬᠦᠷᠦᠯᠴᠡᠨ ᠢᠷᠡᠵᠦ ᠬᠤᠷᠴᠠ ᠰᠢᠷᠦᠭᠦᠨ ᠪᠠᠷᠢᠯᠳᠤᠵᠦ᠂ ᠠᠷᠣ ᠬᠤᠷᠴᠢᠨ ᠤ ᠬᠤᠨᠲᠤ ᠪᠠᠯᠭᠠᠰᠤ ᠢᠢᠨ ᠰᠢᠭᠤᠷᠭᠠᠨ ᠲᠡᠷᠢᠭᠦᠯᠡᠵᠦ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠤ ᠨᠠᠮᠰᠠᠷᠠᠢ ᠳᠡᠳ᠋ᠯᠡᠵᠦ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠤ ᠰᠠᠨᠢᠴᠠᠷ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠤ ᠴᠠᠭᠠᠨᠵᠠᠭᠠᠨ ᠳᠡᠭᠡᠷᠡ ᠳᠥᠷᠪᠡ ᠳᠤ ᠳᠡᠪᠢᠵᠡᠢ᠃ ᠬᠤᠷᠳᠤᠨ ᠮᠤᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ ᠰᠠᠶᠢᠬᠠᠨᠲᠠᠯᠠ ᠰᠤᠮᠤ ᠢᠢᠨ ᠪᠠᠶᠠᠷᠴᠡᠩᠬᠡᠯᠲᠤ ᠢᠢᠨ ᠬᠡᠭᠡᠷ ᠮᠣᠷᠢ ᠮᠠᠩᠯᠠᠶᠢᠯᠠᠵᠦ᠂ ᠬᠤᠨᠲᠤ ᠪᠠᠯᠭᠠᠰᠤ ᠢᠢᠨ ᠵᠠᠯᠭᠠᠨᠪᠠᠶᠠᠷ ᠤᠨ ᠬᠠᠯᠵᠠᠨ ᠵᠡᠭᠡᠷᠳᠡ ᠮᠣᠷᠢ ᠠᠮᠠᠨ ᠬᠦᠵᠦᠭᠦᠳᠡᠵᠦ᠂ ᠵᠢᠭᠠᠰᠣᠲᠠᠢ ᠪᠠᠯᠭᠠᠰᠤ ᠢᠢᠨ ᠶᠧᠰᠢᠵᠢᠷᠭᠠᠯ ᠤᠨ ᠬᠡᠭᠡᠷ ᠮᠣᠷᠢ ᠠᠶᠢᠷᠠᠭ ᠤᠨ ᠭᠤᠷᠪᠠ ᠳᠤ ᠢᠷᠡᠪᠡ᠃ ᠵᠢᠷᠤᠭᠠ ᠮᠤᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ ᠲᠦᠩᠯᠢᠶᠤᠤ ᠬᠤᠲᠠ ᠢᠢᠨ ᠵᠢᠨᠱᠠᠨ ᠤ ᠬᠠᠯᠵᠠᠨ ᠬᠡᠭᠡᠷ ᠮᠠᠩᠯᠠᠶᠢᠯᠠᠵᠦ᠂ ᠲᠦᠩᠯᠢᠶᠤᠤ ᠬᠤᠲᠠ ᠢᠢᠨ ᠰᠠᠩᠳᠦ᠋ᠭᠦᠷᠡᠩ ᠤᠨ ᠬᠡᠭᠡᠷ ᠮᠣᠷᠢ ᠠᠮᠠᠨ ᠬᠦᠵᠦᠭᠦᠳᠡᠵᠦ ᠂ ᠵᠢᠭᠠᠰᠤᠲᠠᠢ ᠪᠠᠯᠭᠠᠰᠤ ᠢᠢᠨ ᠣᠳᠬᠤᠨᠪᠠᠶᠠᠷ ᠤᠨ ᠬᠡᠭᠡᠷ ᠮᠣᠷᠢ ᠠᠶᠢᠷᠠᠭ ᠤᠨ ᠭᠤᠷᠪᠠ ᠳᠤ ᠳᠠᠪᠬᠢᠵᠠᠢ᠃ ᠬᠠᠲᠠᠷᠢᠶᠠ ᠮᠤᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ ᠰᠠᠶᠢᠬᠠᠨᠲᠠᠯᠠ ᠰᠤᠮᠤ ᠢᠢᠨ ᠪᠤᠶᠠᠨᠳᠡᠯᠭᠡᠷ ᠤᠨ ᠬᠡᠭᠡᠷ ᠮᠤᠷᠢ ᠮᠠᠩᠯᠠᠶᠢᠯᠠᠵᠦ᠂ ᠵᠢᠭᠠᠰᠣᠲᠠᠢ ᠪᠠᠯᠭᠠᠰᠤ ᠢᠢᠨ ᠲᠦᠮᠡᠨᠪᠠᠶᠠᠷ ᠤᠨ ᠬᠠᠷᠠ ᠮᠣᠷᠢ ᠠᠮᠠᠨ ᠬᠦᠵᠦᠭᠦᠳᠡᠵᠦ᠂ ᠵᠢᠭᠠᠰᠣᠲᠠᠢ ᠪᠠᠯᠭᠠᠰᠤ ᠢᠢᠨ ᠤᠯᠠᠭᠠᠨᠪᠠᠷᠰ ᠤᠨ ᠬᠡᠭᠡᠷ ᠮᠤᠷᠢ ᠠᠶᠢᠷᠠᠭ ᠤᠨ ᠭᠤᠷᠪᠠ ᠳᠤ ᠲᠣᠳᠣᠷᠠᠪᠠ᠃ ᠰᠤᠷ ᠬᠠᠷᠪᠤᠯᠲᠠ ᠳᠤ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠪᠣᠶᠠᠨᠳᠠᠯᠠᠢ ᠲᠡᠷᠢᠭᠦᠯᠡᠵᠦ᠂ ᠬᠤᠨᠲᠤ ᠪᠠᠯᠭᠠᠰᠤ ᠢᠢᠨ ᠮᠦᠩᠬᠡ ᠳᠡᠳ᠋ᠯᠡᠵᠦ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ ᠠᠰᠬᠠᠨ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠤ ᠡᠷᠳᠡᠨᠢᠳᠠᠯᠠᠢ ᠲᠣᠰ ᠲᠣᠰ ᠭᠤᠷᠪᠡ ᠳᠥᠷᠪᠡᠳᠦᠭᠡᠷ ᠳᠡᠰ ᠲᠤ ᠲᠣᠳᠣᠷᠠᠵᠤ᠂ ᠨᠠᠶᠢᠷ ᠤᠷᠤᠭᠰᠢᠲᠠᠢ ᠰᠠᠶᠢᠬᠠᠨ ᠵᠢᠷᠭᠠᠭᠰᠠᠨ ᠪᠠᠶᠢᠨᠠ᠃
ᠣᠷᠠᠨᠴᠡᠴᠡᠭ ᠮᠡᠳᠡᠭᠡᠯᠡᠵᠦ ᠵᠢᠷᠤᠭ ᠰᠢᠩᠭᠡᠭᠡᠯᠲᠡ ᠵᠢ ᠨᠠᠳᠮᠢᠳᠰᠡᠷᠡᠩ ᠬᠠᠨᠭᠭᠠᠪᠠ
